A Non-Profit Non-Commercial Public Service Initiative by Alka Vibhas   
आस आहे अंतरी या

आस आहे अंतरी या, आसरा हृदयात दे
साद देते मी तुला अन्‌ तू मला पडसाद दे

जुळविता तार विणेच्या जुळविली आम्ही मने
प्रेमगीतांना प्रिया तू आगळे संगीत दे

चांदवेडे हृदय माझे ओढ घेई तुजकडे
विरही जो अंगार आहे गारवा तू त्यास दे

प्रीतीचे दोघे प्रवासी मार्गी येथे भेटलो
यौवनाच्या मंदिरी या चांदण्याचा स्पर्श दे