आले मनात माझ्या
आले मनात माझ्या, खुलली क्षणांत आशा
सांगावया नको ते, तू जाणलीस भाषा
या मूक भाषणाचा भावार्थ सर्व साधा
माझी मलाच ज्याची जडली अमोल बाधा
बाधेत भावनेची प्रणयात होई वर्षा
माझ्या मनातले हे नवनीत स्वप्न भोळे
प्रीतीस जाग येता साकार आज झाले
अधरी हसून बोले ही गोड हास्यरेषा
सांगावया नको ते, तू जाणलीस भाषा
या मूक भाषणाचा भावार्थ सर्व साधा
माझी मलाच ज्याची जडली अमोल बाधा
बाधेत भावनेची प्रणयात होई वर्षा
माझ्या मनातले हे नवनीत स्वप्न भोळे
प्रीतीस जाग येता साकार आज झाले
अधरी हसून बोले ही गोड हास्यरेषा
| गीत | - | रमेश अणावकर |
| संगीत | - | अशोक पत्की |
| स्वर | - | सुमन कल्याणपूर |
| गीत प्रकार | - | भावगीत, मना तुझे मनोगत |
| नवनीत | - | लोणी. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !