रूपास भाळलो मी
रूपास भाळलो मी, भुललो तुझ्या गुणाला
मज वेड लावले तू, सांगू नको कुणाला !
एकांत पाहुनीया जे तू मला म्हणाला,
ऐकून लाजले मी सांगू नको कुणाला !
चंद्रा, ढगांतुनी तू हसलास का उगा, रे ?
वाकून खालती अन् का ऐकलेस सारे ?
जे ऐकले तुवा ते सांगू नको कुणाला !
वार्या, तुझी कशाने चाहूल मंद झाली ?
फुलत्या फुला, कशाला तू हसलास गाली ?
जे पाहिले तुवा ते सांगू नको कुणाला !
हे गोड रूप ऐसे निरखीन मी दुरून
पाण्या, अशीच ठेवी छाया उरी धरून
धरलेस जे उरी ते सांगू नको कुणाला !
हा लाजरा शहारा पाहील काय कोणी ?
करतील का चहाडी हे लाल गाल दोन्ही ?
गालांत रंगले जे सांगू नको कुणाला !
मज वेड लावले तू, सांगू नको कुणाला !
एकांत पाहुनीया जे तू मला म्हणाला,
ऐकून लाजले मी सांगू नको कुणाला !
चंद्रा, ढगांतुनी तू हसलास का उगा, रे ?
वाकून खालती अन् का ऐकलेस सारे ?
जे ऐकले तुवा ते सांगू नको कुणाला !
वार्या, तुझी कशाने चाहूल मंद झाली ?
फुलत्या फुला, कशाला तू हसलास गाली ?
जे पाहिले तुवा ते सांगू नको कुणाला !
हे गोड रूप ऐसे निरखीन मी दुरून
पाण्या, अशीच ठेवी छाया उरी धरून
धरलेस जे उरी ते सांगू नको कुणाला !
हा लाजरा शहारा पाहील काय कोणी ?
करतील का चहाडी हे लाल गाल दोन्ही ?
गालांत रंगले जे सांगू नको कुणाला !
| गीत | - | डॉ. वसंत अवसरे (शान्ता शेळके) |
| संगीत | - | वसंत पवार |
| स्वर | - | आशा भोसले, सुधीर फडके |
| चित्रपट | - | अवघाचि संसार (१९६०) |
| राग | - | तिलककामोद, देस |
