A Non-Profit Non-Commercial Public Service Initiative by Alka Vibhas   
काय करू मी बोला

काय करू मी बोला
घरी पाळणा सुना
नवनवसाचा बाळ माझा येईल का हो पुन्हा?

जीवापाड मी होते जपले
हसर्‍या मुखीचे अमृत प्याले
चिमणे अश्रु पटपट टिपले,
चुकुनी स्वप्‍नी कधि न बोलले एकही शब्द उणा

काळजात या घरे पाडुनी
घरभर फिरती गोड आठवणी
व्याकुळ हो‍उनि उरी कवळुनी
चुंबित माया खेळ खेळणी, फुटतो मज पान्हा

सुख माझे ते मुठीत इवले
देवा का रे नाही बघवले
पोटी घालुनि तुवाच नेले
जन्मीचे मज शासन घडले, माझा काय गुन्हा?
गीत - पी. सावळाराम
संगीत - वसंत प्रभु
स्वर- आशा भोसले
गीत प्रकार - भावगीत

Please consider the environment before printing.
कागद वाचवा.
कृपया पर्यावरणाचा विचार करा.