स्वप्‍न उद्याचे आज पडते
चित्र चिमणे गोजिरवाणे, नयनापुढती दुडदुडते !

कट्यार चिमणी कटिला साजे, जिरेटोप तो सान विराजे
लुटुलुटु येता हे शिवराजे, शिवनेरीवर वत्सलतेचे
निशाण भगवे फडफडते !

चितोडगडचा शूर इमानी, प्रताप राणा बाल होउनी
मिठी मारता दोन्ही करांनी, अभिमानाचे पंख लावुनी
काळीज माझे नभी उडते !

ऊठ म्हणता उठते क्रांती, ज्याच्या मागून फिरते शांती
जवाहिराची राजस मूर्ती, लाडेलाडे 'आई' म्हणता
भारतदर्शन मज घडते !