A Non-Profit Non-Commercial Public Service Initiative by Alka Vibhas   
रिमझिम पाऊस पडे

रिमझिम पाऊस पडे सारखा
यमुनेलाही पूर चढे
पाणीच पाणी चहूकडे, ग बाई
गेला मोहन कुणीकडे

तरुवर भिजले भिजल्या वेली
ओली चिंब राधा झाली
चमकुन लवता वरती बिजली
दचकुन माझा ऊर उडे, ग बाई
गेला मोहन कुणीकडे

हांक धावली कृष्णा म्हणुनी
रोखुनी धरली दाही दिशांनी
खुणाविता तुज कर उंचावुनी
गुंजत मंजुळ मुग्ध चुडे, ग बाई
गेला मोहन कुणीकडे

जलाशयाच्या लक्ष दर्पणी
तुझेच हसरे बिंब बघुनी
हसता राधा हिरव्या रानी
पावसातही ऊन पडे, ग बाई
गेला मोहन कुणीकडे
तरुवर - तरू / झाड.
लवणे - वाकणे.

Please consider the environment before printing.
कागद वाचवा.
कृपया पर्यावरणाचा विचार करा.