A Non-Profit Non-Commercial Public Service Initiative by Alka Vibhas   
आई व्हावी मुलगी माझी

आई व्हावी मुलगी माझी, मी आईची व्हावे आई
नको बोलणी खारट-आंबट, विटले विटले बाई

सूर्यापूर्वी उठा सकाळी, चहा ऐवजी दूध कपाळी
आंघोळीच्या वेळी चोळा डोईस शिक्केकाई

'केस कोरडे कर ग पोरी', सात हात त्या जटा विंचरी
'नको पावडर दवडू बाई', कोकलते ही आई

शाळेनंतर पुन्हा शिकवणी, रोजचीच ती फुका जाचणी
लहान भावादेखत अगदी कान पकडते बाई

Please consider the environment before printing.
कागद वाचवा.
कृपया पर्यावरणाचा विचार करा.